周薪30萬鎊　雲迪積克續約利物浦

尚餘最後一年合約嘅利物浦隊長華基爾雲迪積克，據報近日完成續約，周薪30萬鎊（約300萬港元），合約至少簽到2026年，亦即至少2年，並包括優先續約權。

高普離任後，利物浦3大主力合約尚餘一年，穆罕默德沙拿好大機會離隊，明年夏天接受巨額合約轉戰沙特，阿歷山大阿諾特受皇馬力邀，可能明夏自由身「上艦」，只有華基爾雲迪積克早前已經表明心迹，想留在利物浦踢完下屆世界盃，因此續約亦水到渠成。

利物浦與雲迪積克已達成一致，只差簽約作實，有雲迪積克在陣，對於球隊今季爭標及未來至少兩年組軍都有穩定作用，為沙拿同阿諾特一旦離隊減低影響。