恭喜晒！夏蘭特宣布將首次榮升老竇

艾寧夏蘭特上場歐國聯梅開二度，以34個國際賽入球，成為挪威國家隊史上最多入波球員之後，好事成雙，宣布將會首次做爸爸。

艾寧夏蘭特上場比賽後，特意將皮球放入波衫內扮大肚，以及做出嬰兒食拇指姿勢影相，並將呢張相放上社交網，配上BB仔即將到來圖案，明顯暗示自己好快首次榮升老竇，挪威國家隊上下都紛紛向佢送出祝賀。

據悉艾寧夏蘭特同女朋友Isabel Haugseng Johansen自細青梅竹馬，佢效力多蒙特時期，兩人開始拍拖，依家仲有埋愛情結晶品。挪威將於下周一(14日)凌晨歐國聯作客奧地利，夏蘭特又有機會表演扮「大肚」慶祝入波。