英格蘭又少一件　布卡約沙卡因傷退隊

英格蘭上場對希臘受傷離場嘅布卡約沙卡，據報已退出國家隊離開訓練營，返回倫敦阿仙奴球會檢驗傷勢，下場對芬蘭缺陣。

布卡約沙卡於51分鐘傷出，賽後一拐一拐步離球場，有醫療專家指出：「沙卡用手按住右腿後部，通常係腿筋有問題，有人話佢用右腳踢波時感到不適，希望係0級，即係冇明顯傷勢，只係唔舒服，但佢仲有其他問題，佢足踝有傷，但繼續比賽，希望冇咩大礙。」

除咗沙卡，利物浦中場居迪斯鍾斯亦冇隨隊去芬蘭，英格蘭大軍得番22人。