賽馬會菁英盃　均業北區挫港會奪今季首勝

「賽馬會菁英盃」周日（13日）上演兩場A組賽事，其中港會在斧山道運動場與均業北區正面交鋒。北區憑舒拉普梅開二度，加上簡嘉亨有1球進帳，以3比1擊敗一度由林智豐追成較接近紀錄的港會，奪得今季各項賽事首場勝利。

港會派出艾斯亨利把關，比提及域陀列比奧鎮守中路，薩拉沙聯同陳浩嘉控制中場，新加盟的前深水埗門將李溢晉先列後備；至於北區，3名U22球員為張桂華、吳栢希及黃靖然，肯迪、何振廷和劉君正組成中場鐵三角，支援舒拉普攻堅。

開賽僅5分鐘，北區就先開紀錄，波比放出長傳，助攻舒拉普單刀射成1比0。19分鐘，基拿美中圈搶到皮球後長驅直進，推至禁區頂勁射高出。戰至42分鐘，港會有黎皚韜傷出，由積施利入替，北區領先1比0完半場，

港會換邊後立即以史加利入替陳灝，加強攻力。50分鐘，肯迪開出角球，簡嘉亨把握港會解圍不遠，起腳越楣而過。61分鐘，北區罰球攻勢，古杜拉送出直線，簡嘉亨傳中，但何振廷撞射高出。北區到65分鐘擴大比數，簡嘉亨左路傳中，竟直接「笠死」艾斯亨利成2比0。隨後港會傾力反撲，70分鐘，史加利把握劉君正中圈解圍不慎踢後，搶贏黃靖然再推過基拿美後傳中，助攻林智豐門前撞入成1比2。但7分鐘後，古杜拉開出罰球，舒拉普頂成3比1。81分鐘，何振廷送出直線，後備入替的黃偉國門前射斜，無阻北區贏3比1完場，取得今季各項賽事首勝。

港會下半場一度憑林智豐追至1比2，可惜最終仍然全失3分，開季各項賽事5戰全敗，這位前鋒坦言球隊要改善入局慢的弊病：「我哋連續5場開咗波未夠10分鐘就失波，反映大家比較慢熱，而且球隊有唔少年輕球員，又轉咗踢法，嘗試用多啲波，確係要啲時間成長。」

至於北區中場何振廷，就對獲得今季首勝感到釋懷：「我覺得球隊表現可以再好啲，但最緊要係贏波，因為之前連續5場贏唔到，令球隊嘅士氣唔太好，好彩今場終於攞哂3分，令大家搵番勝利嘅感覺。」談到今季外援班底有極大變動，「阿廷」有信心新外援能夠適應香港生活，為球隊爭取佳績