利物浦睇中“辛祖2.0”　同伦敦双雄抢人

多蒙特新星比诺基顿斯今季成功上位，开季到依家已经入咗4球，据德国《图片报》报道，利物浦最近派出球探考察该英格兰U21国脚嘅表现，将会同车路士、热刺拗手瓜抢人。

曼城青训出身嘅比诺基顿斯，5年前已经转去德国学法，被誉为“查顿辛祖2.0”，司职左翼嘅佢据报获利物浦领队施洛赏识，而且已派出球探去睇办，车路士同热刺都有派人去考察，3队随时争崩头。

报道指利物浦要为路易斯迪亚斯离队做准备，呢位哥伦比亚翼锋受到巴塞隆拿、巴黎圣日耳门等豪门挖角，“红军”本来首选左翼系纽卡素嘅安东尼哥顿，但对方早前已经续约，20岁嘅比诺基顿斯转会费约2,500万镑至3,000万镑，相对上系更低风险同长远投资。