香港隊　由閘轉踢中堅　茹子楠：難咗爭正選

返到主場出擊的香港男子足球代表隊，周二（15日）友賽在香港大球場以3球擊敗柬埔寨。當中後備入替改任右中堅的茹子楠，坦言不大擅長踢這個位置，又承認港隊新踢法將影響其正選機會，但他強調之後會繼續努力學習，盼讓新帥韋斯活相信自己。

港隊在新帥韋斯活領軍下，進攻時改踢3後衞陣式，令今場後備入替的茹子楠，需要由右閘改踢右中堅，賽後他表示需要時間適應：「我成世都未踢過依個位，但每個教練都有自己戰術，要去練吓。踢中堅係會多啲波掂，因為由我去發動攻勢，同埋韋斯活都主張控球在腳、進攻多啲。」

對於連續兩場友賽退居後備，「茹子」亦承認在新戰術下，自己的確會更難去爭奪正選：「一定有影響，始終我唔擅長踢中堅。加上中堅更加注重防守企位、包波，教練都想用啲大隻、高大球員，唯有希望遲啲可以令佢改觀。」另外，「茹子」效力的梅州客家，暫時排中超尾二，深受降班威脅，這名外流港將透露明天將趕回梅州報道，盼下場能夠擊敗安永佳效力的深圳新鵬城，爭取護級。