盛傳C朗明年來港　為限定博物館剪綵

葡萄牙球星C朗有望明年訪港！有報道C朗會喺2025年6月至2026年5月，於香港開設期間限定博物館，C朗會親身來港為博物館揭幕，若真係成事，將會係C朗出道以嚟首次到香港。

報道指，C朗嘅哥哥喺9月曾訪港3日，同有關方面簽署「香港C朗拿度博物館」合約，呢個係C朗首個亞洲限定博物館，但地點仍未落實。展覽內容將包括C朗足球生涯成就嘅展品，參觀人士亦可以買到獨家產品同C朗簽名產品等，預計門票將會於今年尾發售。