咩話？「流量密碼」曼聯只係排第3位

曼聯一向屬於球壇焦點，更被譽為網絡「流量密碼」，任何關於紅魔鬼嘅網上貼文，往往可以吸引大量網民點擊及討論。不過，根據數據分析公司「similar Web」公布，最強「流量球會」係皇馬，平均每月有890萬人次瀏覽球會官網，曼聯官網僅排第3位，少過宿敵利物浦。

皇馬戰績彪炳，加上經常簽入巨星，包括今季獲得法國神鋒基利安麥巴比加盟，自然深受球迷關注。「similar Web」指皇馬官網平均每月有890人次瀏覽，至於利物浦以820萬人次排第2位，反而身為「流量密碼」曼聯只有690萬人次，至於阿仙奴以640萬人次排第4位，拜仁慕尼黑以540萬人次位居第5位。

事實上，皇馬可以話係全球最多Fans嘅球隊，官方社交網Instagram有超過1.6億追隨者，仲多過曼聯同利物浦總和，「流量之王」實至名歸。