三年抱兩　格連活特女友又大肚

格連活特今夏由曼聯轉投馬賽之後，事業家庭兩得意，根據英國《太陽報》爆料，呢位23歲英格蘭翼鋒嘅女友Harriet Robinson第2度懷孕，意味格連活特將會三年抱兩。

格連活特2022年1月被指毆打及強暴女友Harriet Robinson，導致事業幾乎毀於一旦，但兩人後來和好如初，並於上年7月迎來首位愛情結晶品，Harriet為佢誕下1名女兒。

消息人士表示，格連活特自從做咗爸爸之後，性格已經成熟好多，非常享受現時生活。格連活特上季被曼聯外借去西甲球隊基達菲，上陣36場入10球，今季加盟馬賽踢7場法甲已入5球，可見佢榮升爸爸之後，修心養性專注比賽，表現愈來愈好。