好緊張！曼聯今晚可能創3大「恥辱紀錄」

曼聯將於周六(19日)晚上10時出戰英超主場對賓福特，翻查歷史往績，紅魔鬼近86年以來，主場迎戰賓福特，未嘗一敗，如果今場輸波，就會打爛齋缽。

曼聯對上1次主場不敵賓福特，已經係1937年嘅事，自此之後，曼聯6次主場對賓福特，取得5勝1和，5場勝仗都係正式賽事，唯一和波屬於熱身賽，可見紅魔鬼完全食住對手，照計今場應該冇甩拖。

另外，曼聯近3場英超都冇波入，對上一次連續4場聯賽食白果已經係1989年，當時英超仲未成立，如果紅魔鬼今場又入唔到波，就會追平35年前嘅恥辱紀錄。若然曼聯今場輸波，就會自1979年之後，近45年首次頂級聯賽主場3連敗。