交出「球王級」數據　加拿祖成曼聯「真7號」

曼聯喺周六(18日)晚英超主場以2比1反勝賓福特，翼鋒阿歷真度加拿祖成為大功臣，呢位20歲阿根廷國腳全場有5次射門中目標，包括射入扳平1球，仲有2次關鍵傳球及2次成功扭過對手，當選今場最佳球員，並獲網民大讚為紅魔鬼「真正7號」。

阿歷真度加拿祖上季為曼聯上陣50場入10球，今季效率更加高，上陣12場已有5球進帳及3次助攻，包括社區盾射入曼城大門，無疑係紅魔鬼現時鋒線最具威脅球員。普遍輿論認為加拿祖比拉舒福特更勝任左翼位置，應該作為球隊進攻重心，領隊坦哈格似乎有聽民意，今場安排加拿祖踢正選左翼，獲得正面回報。

隨住加拿祖嘅重要性愈來愈大，唔少網民認為應該將曼聯「傳奇7號」交畀呢位新星，開創新時代，至於現時7號仔美臣蒙特抖多過踢，出售佢係最好做法。