亞冠盃2　 拿亞趕及註冊　盧比度：絕對幫到手

【鄧文滔菲律賓直擊】港超聯球會東方周一（21日）出發到菲律賓，備戰周四（24日）於黎剎紀念體育場，惡鬥卡雅的「亞冠盃2」E組分組賽。大軍抵埗後，隨即於下午展開操練，球隊在練習前迎來好消息，指已成功為拿亞註冊入「亞冠盃2」大軍名單，主教練盧比度（Chino）有信心拿亞能夠為球隊帶來極大幫助。

東方共帶同25名球員到菲律賓，包葉鴻輝、巴科爾、丹尼爾、余在言以及早前加盟的前深水埗中堅拿亞。由於亞洲足協條例表明，參賽球隊可在10月31日或之前，額外註冊多3名新球員，因此球會此前已向亞洲足協申請註冊拿亞，而Chino是日操練前確認，已成功為拿亞註冊，這名挪威中堅可在周四候命：「Andy（黃浩然）離隊之後，我哋得高素巴耶夫同丹尼爾兩個正宗中堅，所以拿亞嚟到之後，增加球隊嘅輪換深度，絕對幫到手。」

Chino亦有信心拿亞能夠融入球隊戰術：「佢上季喺深水埗踢得好好，大隻之餘又不失靈活，用波能力都好唔錯，或者佢需要少少時間了解球隊戰術，但有信心佢可以完美融入球隊。」

至於拿亞收操後接受東網記者訪問，表示對被列入「亞冠盃2」大軍名單非常興奮：「打亞洲賽係我嚟到香港之後，其中1個奮鬥目標，好開心喺呢個地方打拼1季之後，就可以達成心願。」

他又透露去季離開深水埗後，曾與幾支海外球會接觸，直至近期收到Chino邀請，便決定重返香港，盼助球隊在亞洲爭取佳績：「同深水埗完約之後，試過同保加利亞或者中東球會聯絡，但Chino早排搵我經理人傾完之後，我冇諗太多就決定加盟，好多謝教練團咁信任自己，希望嚟緊星期四對卡雅可以贏番場。」