亚冠杯2　比赛场地质素欠佳　巴科尔：九龙湾仲好啲

【邓文滔菲律宾直击】港超联球会东方周二（22日）早上到比赛场地黎刹纪念体育场操练，备战周四（24日）对卡雅的“亚冠杯2”E组分组赛，但巴科尔直言球场质素不甚理想，甚至较九龙湾公园更差：“以后都唔会话香港啲场唔好！”

东方周四将会在黎刹纪念体育场大战卡雅，球队是日到这个场地练习，操练强度有所提升，球员完成热身后，便立即练习猜传，最后再以小型对抗赛为操练收尾。

巴科尔（Noah）在操练后接受访问，他苦笑道场地质素欠佳，情况比九龙湾公园球场更差：“呢个球场嘅人造草皮太硬啦，有啲位置仲要冇乜草，得番啲胶粒，好易受伤；原本以为九龙湾公园已经好难踢，但试过呢个场之后，我唔会再话香港啲场差！”

但Noah强调，即使球队面临极大挑战，都不会令争胜决心有所动摇：“踢咗咁多年波，预咗作客会有好多挑战，就算环境再恶劣，我哋都想赢波，而且大家都踢呢个球场，对双方都有影响，即管睇吓边队适应得好啲。”

至于叶鸿辉则希望全队能尽早适应场地，全力抢分：“我哋得番听日可以嚟呢个球场操，所以大家一定要把握机会适应环境，因为卡雅相比广岛三箭同FC悉尼，实力同我哋相对接近，希望攞到分。”