美臣蒙特傷患惡化　坦哈格證實復出延期

曼聯傷兵問題未有緩和迹象，因頭部受傷已缺陣差唔多1個月嘅美臣蒙特，據報傷勢再次惡化，令復出日期需要延後，領隊坦哈格已證實消息，並表示曼聯唔能夠承受再有傷兵出現。

美臣蒙特上年加盟曼聯後，一直受傷患困擾，季初因腳傷缺陣3星期，復出無耐又係9月對熱刺撞傷頭部，原本以為係「硬傷」冇乜大礙，但之後3場比賽全部缺陣，周五(25日)歐霸盃亦亦能候命。

坦哈格表示：「美臣蒙特傷得比預期中耐，佢仲要等多陣先可以復出，不過離復出之日應該唔遠。」對於曼聯傷兵問題，坦哈格回應：「依家健康嘅球員有能力做好工作，呢一刻情況OK，但如果再有傷兵就好難搞。」