場外先開拖　曼聯球迷慘遭圍揼

曼聯作客費倫巴治嘅歐霸盃「流量大戰」開賽前，雙方球迷在伊斯坦布爾街頭已經發生衝突，有曼聯球迷報料，一個球迷團體慘遭當地為數約50人圍毆。

據報一個5人曼聯球迷組織聲稱，在當地遭受約50人襲擊，被玻璃樽及木棍打傷，其中一位人士表示：「有大約50人圍住我哋。」另一人表示：「有個細路跟住我，假裝要幫手，然後就突然打我下巴。」

曼聯球迷組織認為，費倫巴治需要制止呢類行為，限制佢哋班球迷，或者歐洲足協採取更多措施阻止同類事情繼續發生。

曼聯2號門將比恩迪亞，之前就係效力費倫巴治，比恩迪亞表示，曼聯在土耳其極之受歡迎，係當地最多人支持嘅英超球隊，但原來當地球迷激進起上嚟，曼聯球迷都照打。