高級組銀牌　姚浩明：估唔到可以做贏波功臣

周六（26日）「高級組銀牌」8強戰頭場於大埔運動場上演，最終流浪憑姚浩明上半場射入罰球，淘汰港會晉級四強。一箭定江山的後衞姚浩明，表示高興能夠助球隊晉級，期待球隊重返勝軌後，末來可以獲得更多勝仗。

傷愈後今季首場擔正，「姚明」表示今場狀態不俗，所以大膽向隊友請纓，主理罰球：「開波之前有射咗吓罰球，臨場又覺得個感覺唔錯，都有信心操刀，所以就同林堂真講不如交畀我射。最尾入到，仲要係一箭定江山，自己都估唔到，好開心可以幫到球隊晉級。只要同新外援嘅默契同配合方面再做番好啲，我相信我哋係有能力愈踢愈好。」