高级组银牌　安尼亚上演“大四喜”：梦境成真！

恭喜理文中锋安尼亚，喺周日(27日)“高级组银牌”理文对均业北区嘅8强战赛后，当选“#仁和堂滴鸡精ManOfTheMatch”(MOM)，呢次亦系呢位爱沙尼亚国脚，季内第一次攞MOM。安尼亚除咗可以得到由仁和堂送出嘅滴鸡精同奖座之外，仲可以得到由京士影音送出，价值$1,488嘅按摩枪一枝。赛后，安尼亚就同传媒分享咗佢入4球感受↓↓↓↓↓↓↓↓↓↓↓

“高级组银牌”周日（27日）于大埔运动场举行，最终理文以5比1淘汰均业北区，其中前锋安尼亚上演“大四喜”，赛后他兴奋表示自己的“预知梦”成真，很高兴能帮助球队取得四强席位，期望可以乘胜追击，取得佳绩。

安尼亚今日状态大勇，上半场梅开二度后，下半场于13分钟内射入两球。他打趣道赛前一晚已预知自己会食出“大四喜”：“我一啲都唔觉得有几出奇，其实寻晚瞓觉嗰阵我已经梦见到，自己喺个龙门前不停将个波摆入网，所以瞓醒之后我已经好有信心，今日会入好多波，结果坚系梦境成真！我觉得入到4球系好正嘅记录，好开心可以帮到球队入准决赛。”

谈到在“亚冠杯2”后仅两天的时间内再度出赛，他坦言感到有些疲惫，但在掌握比赛节奏上，比以往发挥得更好：“讲真其实系几攰，今个月我仲帮国家队踢完两场比赛，然后赶返嚟香港，跟住就系联赛，周中又对完曼谷联，嗰场本来有唔少机会入波，但把握唔到，球队发挥得几好，所以比较可惜赢唔到。对我嚟讲，一周三赛对体能系好大挑战，但职业足球员就系咁，我嘅生活得食饭、瞓觉、踢波，足球就系我生命嘅第一位。嚟紧会尽量多啲休息，希望差足电之后，星期六对杰志可以攞晒3分。”