比寧咸跌落神壇　今季0入球係肥安嘅錯？

皇家馬德里上季橫掃西甲同歐聯，英格蘭球星祖迪比寧咸成為天之驕子，全季攻入23球成為超級殺手。不過今季比寧咸全面退步，今季11場比賽仍然未入過波，西班牙媒體評論認為，教練安察洛堤要負上最大責任。

比寧咸上季季初瘋狂入波，同今季0入波成鮮明對比，西班牙《馬卡報》評論指：「比寧咸活喺上季嘅影子入面，但問題唔喺佢身上，而係用佢嘅人。比寧咸已經畀足100%，但佢每場都喺自己唔擅長嘅位置，有時要企去右邊，有時甚至要踢埋右閘，安察洛堤要盡快改變呢個可笑嘅錯誤。」