尼日利亚罢踢“有理”　获判赢3比0

尼日利亚今个月中非国外作客利比亚，因飞机被迫降落喺一个废弃机场，令全队职、球员喺冇水、冇食物、冇wifi情况下，滞留超过15小时，最后尼日利亚决定罢踢。非洲足协周六(26日)宣布，尼日利亚获判赢3比0，拎到宝贵3分。

非洲足协纪律委员会周六聆讯，表明主场嘅利比亚有义务合理接待客队，包括安排巴士接载球员，所以判利比亚输0比3，并且罚款5万美元。利比亚足总投诉，指佢哋喺同一个国际赛期先作客尼日利亚，同样因主队安排不当，令佢哋航班大幅延迟，喺比赛前几个钟头先着陆。有传闻指利比亚足总故意“玩嘢”报复，结果搞出大头佛。