祖普莫亭拒返史笃城　等英超聘约

喀麦隆前锋祖普莫亭今夏同拜仁慕尼黑约满后，一直未有落班，有传闻指英冠球队史笃城曾向佢斟介，但被呢位35岁前锋拒绝，因为佢希望可以加盟英超球会。

祖普莫亭喺17/18球季曾效力当时踢英超嘅史笃城，但全季只入5球，被视为“水货”踢走，估唔到佢之后踢到风生水起，先后效力巴黎圣日耳门同拜仁慕尼黑两大豪门，拎过5次联赛冠军同喺欧联入唔少重要入球。喀麦隆媒体报道，史笃城有意签番祖普莫亭，但就受到拒绝。

德国著名记者Plettenberg报道：“祖普莫亭冇打算退休，佢想继续比赛，之前已经拒绝巴西同杜拜球会嘅斟介，祖普莫亭目前继续保持个人操练，等紧合适嘅球会出现。”报道指祖普莫亭希望加盟英超球会，意甲嘅拖连奴亦曾表示兴趣。