讯号？沙维囝囝着曼联波衫　魔迷好兴奋

曼联喺英超输畀韦斯咸后，近8场比赛只得1胜，英超排紧第14位，领队坦哈格帅位岌岌可危。盛传系曼联新帅目标嘅沙维，日前被影到同着住曼联波衫嘅囝囝一齐玩卡，被球迷视为最大“讯号”！

坦哈格带领嘅曼联不断沉沦，传闻球会已秘密同沙维进行接触，就喺呢个风头火势时间，沙维老婆Nuria Cunillera就喺社交网出Story，影住沙维同一对仔女玩《宠物小精灵》游戏卡，不过重点系沙维囝囝系着住曼联波衫，沙维老婆喺呢个时间发布咁嘅影片，唔知系有心定无意啦！

事实上，沙维较早前接受《泰晤士报》访问，已表明有意去英超执教：“我会好开心去呢度(英超)教波，所有人都话我知英超好正、好适合工作，所有人都好热情、为比赛要活，球场气氛一流，喺英超执教绝对系我希望拥有嘅经历。”