金球獎結果流出　小雲當選「麥總」三甲不入

今年金球獎頒獎禮將於周二(29日)凌晨喺法國巴黎舉行，網上率先流傳出一份評選計分名單，前4位之中，皇馬球員佔3席，大熱人選雲尼斯奧斯祖利亞以630分排第1位贏得呢項殊榮。

早前西班牙各大傳媒已經爆料，指雲尼斯奧斯祖利亞將會奪得金球獎，同流出名單相符，呢位24歲巴西國腳嘅評選總得分有630分，力壓第2位獲得576分嘅曼城中場洛迪卡斯簡迪，將首次獲得金球獎。

至於另1位皇馬球星祖迪比寧咸排第3位，反觀上年第3位嘅基利安麥巴比僅排第4位，上屆第2位嘅艾寧夏蘭特更加退步至第6位，仲低過哈利卡尼。至於最終結果是否同網上流傳名單一樣，大家拭目以待。