步坦哈格後塵？安察洛堤都有帥位危機

皇馬在國家打吡主場淨吞巴塞4蛋，據報會長皮里茲對賽果非常不滿，主帥安察洛堤有帥位危機，就算佢係功勳教頭，都有可能被放棄。

西班牙傳媒報道，皮里茲一向重視賽果同球會聲譽，今次慘敗畀巴塞，令到「老佛爺」感到好冇面。翻查資料，佢試過在國家打吡輸波後炒教練，賓尼迪斯同盧比迪古都係咁樣落鑊，安察洛堤都唔例外。

皇馬同其他球會唔同，皇馬係由皮里茲話事，主教練安察洛堤對球隊只能提意見，但最終決策權仍在皮里茲手上，例如增兵方面，皇馬今夏簽入基利安麥巴比及安迪歷，但中場卻奧斯掛靴後就冇在相同位置上補充人腳。

麥巴比加盟後皇馬踢法上出現唔少問題，以往攻防一體嘅踢法嚴重失衡，國家打吡上「麥總」瘋狂越位同錯失機會，其實最大責任係皮里茲，但依家「肥安」只能硬食。