阿仙奴好消息　奧迪加特有望復出踢倫敦打吡

阿仙奴收到好消息，根據英國《每日郵報》爆料，養傷近1個半月嘅兵工廠隊長馬田奧迪加特可於今個星期內復操，預計有望出戰11月11日凌晨英超「倫敦打吡」作客車路士，對於球隊爭標非常重要。

阿仙奴下月初惡戰連場，出現「3連客」地獄賽程，包括11月2日晚英超作客紐卡素，跟住歐聯作客國際米蘭，緊接「倫敦打吡」作客車路士。兵工廠近2場聯賽都失分，領隊阿迪達希望馬田奧迪加特趕及復出鬥車路士，若然呢場大戰失利，勢必嚴重打擊爭標機會，呢位25歲中場現時正在同時間競賽。

由於「倫敦打吡」之後，將會進入國際賽期，馬田奧迪加特亦有可能等到11月23日晚先至復出，踢英超對諾定咸森林。

另外，阿仙奴2位後衞加比爾馬加希斯、祖利安添巴上輪聯賽對利物浦傷出，加上卡拉科利、富安健洋養傷，防線傷兵成為重災區。