曼聯候任主帥起底　師承摩連奴

曼聯斟介新帥魯賓艾摩廉火速進行，據報曼聯開出3年合約，年薪700萬歐元(約5,800萬港元)，已獲對方接納，最快本周可以由士砵亭「轉會」接掌「紅魔鬼」，而且曼聯對佢唔陌生，因為呢位葡萄牙少帥曾經喺曼聯實習，佢導師就係前主帥摩連奴。

即將接任曼聯主帥嘅魯賓艾摩廉，被傳媒全方位起底，39歲嘅佢同曼聯中堅域陀連迪路夫曾經係賓菲加隊友，被爆料指佢脾氣火爆，2011年曾經因為小事反對教練而罷操抗議，據講係反對正選陣容中冇葡萄牙球員，事後被球隊處罰及出售。

2018年魯賓艾摩廉考取教練資格，曾經到曼聯深造同實習，成為時任曼聯領隊摩連奴學生，滿師後就返回葡萄牙執教，先執教卡薩皮亞，然後係布拉加B隊及一隊，2020年接掌士砵亭教鞭至今，贏得兩屆葡超冠軍。