力壓美斯　拿達路膺金足獎

停辦一年嘅金足獎今年復辦，周五（1日）公布結果，阿根廷前鋒拿達路馬天尼斯，力壓隊長美斯等其餘9名候選人，成為本年度金足獎得主。

金足奬於2003年創立，摩納哥王室贊助，只頒給28歲以上對足球有貢獻嘅終身成就獎，每名球員一生只能獲獎一次，今屆年齡限制放寬至27歲，似乎係為27歲嘅拿達路馬天尼斯度身訂做。

拿達路馬天尼斯上季為國際米蘭上陣44場，貢獻27球3助攻，贏得意甲金靴獎及意甲聯賽冠軍；在美洲盃賽場，拿達路為阿根廷上陣6場射入5球，包括決賽一箭定江山奪冠兼奪賽事金靴獎，表現更勝隊長美斯，得獎實至名歸。

金足獎上年停辦，對上3年得獎者計有羅拔利雲度夫斯基、穆罕默德沙拿及C朗拿度。