盧比迪古：坦哈格係好教練　好快再教波

坦哈格輸畀韋斯咸後翌日遭曼聯辭退，唔少網都戲言韋斯咸主帥盧比迪古「玩爛件玩具」，過咗咁多日，盧比迪古就事件發言，佢話「坦哈格係好教練，相信好快會再教波」。

坦哈格被炒魷後，有網民上截圖片開玩笑，指韋斯咸直接導致坦哈格落台，將成為其餘18隊「公敵」。對於坦哈格被炒，盧比迪古表示：「我希望坦哈格一切順利，佢其實做得好好，係一個好教練。 我理解呢種情況，我確信佢很快會重新工作。」

其實盧比迪古同樣在瀕炒邊緣，位列英超被炒榜前5名，上場贏曼聯係佢嘅「救命波」，嚟緊下個國際賽檔期前兩場聯賽，分別對諾定咸森林同愛華頓，韋斯咸都要有分落袋，否則盧比迪古都有帥位危機。