卢比迪古：坦哈格系好教练　好快再教波

坦哈格输畀韦斯咸后翌日遭曼联辞退，唔少网都戏言韦斯咸主帅卢比迪古“玩烂件玩具”，过咗咁多日，卢比迪古就事件发言，佢话“坦哈格系好教练，相信好快会再教波”。

坦哈格被炒鱿后，有网民上截图片开玩笑，指韦斯咸直接导致坦哈格落台，将成为其馀18队“公敌”。对于坦哈格被炒，卢比迪古表示：“我希望坦哈格一切顺利，佢其实做得好好，系一个好教练。 我理解呢种情况，我确信佢很快会重新工作。”

其实卢比迪古同样在濒炒边缘，位列英超被炒榜前5名，上场赢曼联系佢嘅“救命波”，嚟紧下个国际赛档期前两场联赛，分别对诺定咸森林同爱华顿，韦斯咸都要有分落袋，否则卢比迪古都有帅位危机。