利華古遜又失分　阿朗素神話破滅？

周六(2日)凌晨德甲，利華古遜主場狂攻史特加，但19次射門都未能轉化為入球，只能悶和0比0，近5場聯賽第4度失分，令球迷擔心教練沙比阿朗素「神話破滅」。

利華古遜下周三(6日)歐聯要對利物浦，不過今場依然精銳盡出，全場圍攻史特加兼有19次攻門，可惜前鋒把握力差，加上史特加門將紐布爾「上身」，最後只係打和0比0。利華古遜近5場聯賽1勝4和，今季9場聯賽只有16分，比上季同期拎少9分。

沙比阿朗素賽後失望表示：「我哋今場應該贏波，場面上已經壓制史特加，反擊計劃亦都好成功，唯一欠缺嘅就只係入波。」利華古遜上季橫掃德甲，教練沙比阿朗素成為當紅炸子雞，但球隊今季表現回落，利華古遜總監路菲斯就話：「阿朗素下季100%留隊，因為佢仲有合約，目前冇任何迹象顯示佢會去其他球隊。」