艾摩廉阵式移植曼联　史谭：迪历特要爆啦！

鲁宾艾摩廉落实成为曼联新帅后，佢用开嘅3-4-2-1阵式，预计亦会移植“红魔鬼”，荷兰名将史谭日前表示，今夏加盟嘅中坚马菲斯迪历特，将会喺艾摩廉嘅新阵式入面大放异彩。

史谭表示：“艾摩廉嚟到后，我相信迪历特前途会一片光明！如果艾摩廉踢3中坚，迪历特肯定会系主力，佢可以胜利右中坚或者正中路，有好大发挥空间。迪历特本身好有能力，亦有能力继续进步，依家只系争啲稳定性同信心，随住时间就会愈嚟愈好。”

曼联目前中坚人手众多，预计约罗、马菲斯迪历特同利辛度马天尼斯系3中坚正选，哈利马古尼、域陀连迪路夫同庄尼伊云斯就系替补，有足够人脚应用艾摩廉嘅3中坚踢法。