港超聯　落實主教練人選　李文恩：曾於香港搵食

港超聯球會理文周六（2日）在「中銀人壽香港超級聯賽」，以1比1賽和傑志，會長李文恩賽後透露已與新任主教練簽約1年半，預計於今個月尾上任，又指對方曾在香港工作。

「李生」表示在物色新任主教練人選的過程中，曾收到有執教英超經驗的人自薦，但他希望新任主教練較為年輕，充滿魄力，故未有選擇部分較具名氣的教練上任：「雖然有啲比較出名嘅教練自薦，但佢哋年紀偏大，所以我冇考慮佢哋，而最後揀嘅人選只係三十幾歲，始終之前球隊有啲死氣沉沉，希望呢個轉變，可以激發球員踢好啲。」

「李生」續指已跟新任主教練簽約，待對方與前東家達成協議後，會立即公布人選，並透露這位新教練曾在香港工作，並將帶同副手上任：「呢個新教練喺泰國教過波，又嚟過香港工作，對香港足球嘅環境有一定認識，等佢同前球會交接好之後，11月底會公布消息。」談到今場表現，「李生」對未能取勝感到遺憾，但他指球隊表現已有所回升，相信球迷有目共睹。