港超聯 港會對均業北區 睇吓邊隊開齋先！
2024年11月02日 20:35
東網電視
更多新聞短片
港超聯：港會 vs 均業北區
收看直播，請按直播ICON，或按下面鏈結：
「中銀人壽香港超級聯賽」周日（3日）繼續上演兩場賽事，首次在聯賽主場出擊的標準流浪，頭場會於青衣運動場惡鬥上周輪空的冠忠南區（on.cc周日下午3時按次收費直播）；至於尾場則由兩支聯賽未勝之師正面交鋒，港會坐鎮香港足球會足球場迎戰均業北區。（on.cc周日下午4時30分按次收費直播）
港會開季各項賽事7戰全敗，今場迎戰同樣在聯賽未嘗一勝的北區，門將李溢晉承認球隊受傷停困擾下，惡戰難免，但強調已準備就緒應付對方來襲：「波比同簡嘉亨速度快，好擅長後上助攻，而肯迪負責派牌，如果可以凍結佢，咁我哋攞分機會就高好多，而且港會場比較窄，應該會令佢哋用波冇咁舒服。」
「阿嘴」又呼籲隊友調整心態，以免一落後便自亂陣腳，招致大敗：「其實最近幾場踢落唔太差，但失咗1球後就開始唔集中，搞到失多幾球，呢點一定要搞搞佢。」陣容方面，唐道碧和峇夏比需要停賽，對人腳調動構成影響。
另一邊廂，均業北區剛在「高級組銀牌」8強，大敗予理文出局。今場返回聯賽戰線，面對同級對手港會，中場劉君正表示會全力爭勝：「球隊聯賽到而家都未贏過波，好渴望今場可以打出部署，用一場勝利，振奮下大家嘅士氣。雖然喺『菁英盃』曾經擊敗港會，但其實唔太能夠作準，始終佢哋作出咗唔少輪換。」另外，今季各項賽事已上陣6次的「君正」，又認為自己可以表現得更好，希望接下來的比賽能幫助球隊，盡量減低失球數字。
【兩隊預計正選陣容】
港會
門將：95. 李溢晉
後衞：6.李俊諺 22.比提 26.羅素 18.積施利
中場：74.史加利 10.薩拉沙 99.陳浩嘉 13.加斯特夫
前鋒： 7.陳灝 21.林智豐
均業北區
門將：1.龐焯熙
後衞：23.韋健豪 6.葉卓文 3.基拿美 29.簡嘉亨
中場：73.黃偉國 22.劉君正 10.羅曉聰 8.肯迪 9.羅港威
前鋒：7.舒拉普