西班牙領隊醫膝痛　國際賽後開刀

西班牙63歲主帥富安迪一直有腳患，據報佢打算在11月中國際賽檔期後，安排手術治理膝傷，預計休養3至4個月，剛好趕及明年3月底歐國聯復出領軍。

富安迪上任以來，已經帶領西班牙連奪歐國聯及歐國盃兩項大賽冠軍，嚟緊將會力爭衞冕歐國聯，然後再進軍世界盃，不過佢嘅腳患都係個大問題，佢打算趁今年底至明年初空檔，徹底解決膝傷問題。

西班牙踢畢11月國際賽檔期後，下個賽期係明年3月底，因此富安迪安排呢段空檔開刀，之後有充足時間休養復原，帶領「狂牛兵團」再闖高峰。