祖記搵中堅　想向熱刺借番達古仙

祖雲達斯巴西中堅基爾臣比爾馬十字韌帶重創，後防需要補充人腳，據報佢哋希望重召羅馬尼亞國腳達古仙回巢，打算向熱刺提出借用。

22歲嘅達古仙係祖記青訓出身，2020至21年球季在一隊上陣4場，然後被外借到多支球隊磨練，包括森多利亞、沙蘭力坦拿同熱拿亞，上季正式轉投熱拿亞，今年初冬季轉會窗獲熱刺垂青轉戰英超至今。

雖然達古仙係羅馬尼亞國家隊主力，但喺熱刺只屬邊緣球員，今季僅上陣6場，英超只得1場踢足全場，祖雲達斯希望重召呢位舊部，今個冬窗將會向熱刺提出借用。