港超聯　助港會袋晒3分　史加利：多謝隊友努力

「中銀人壽香港超級聯賽」周日（3日）尾場於香港足球會足球場上演，最終港會以2比0擊敗均業北區，入球功臣之一的史加利對球隊成功「開齋」表示相當興奮，並將入球和勝利歸功於隊友，期待能為球隊做出更多貢獻。

新加盟的史加利上半場射入12碼，為港會於早段取得領先優勢，他認為球隊今場成功發揮出水準：「北區一啲都唔易應付，今場我哋主動搶攻，對住對手都冇怯場，成班球員搏到盡下半場先保住『clean sheet 』贏波，如果唔係大家一齊努力，我哋絕對唔會攞到咁寶貴嘅3分，多謝每個隊友嘅付出！」

對於港會獲得今季首勝兼結束7連敗走勢，史加利形容自己心情難以言喻，希望能從勝利中汲取正能量，會保持積極態度應戰：「開季頭幾場唔係太順，難免會有成績上嘅壓力，今日終於『開齋』都鬆一口氣，我哋個個開心到飛起，只要keep住團火，話唔定下場再有機會攞多3分！」