阿迪達承認抵輸：我哋犯下一大錯誤

阿仙奴上場英超作客0比1不敵紐卡素，已連續3場聯賽失分，落後榜首利物浦7分，爭標形勢唔樂觀，賽後阿仙奴領隊阿迪達承認球隊抵輸，因為冇做好禁區防守，付出沉重代價。

阿迪達對於兵工廠連番失利，感到非常失望，佢話：「我哋今場抵輸，原本開波初段表現唔錯，但因為禁區內防守不足，導致失波，之後形勢逆轉，愈來愈難踢，我哋表現唔出應有水準，令人好沮喪，反而對手發揮好穩定。」此外，呢位西班牙少帥指米基爾馬連奴、迪格蘭賴斯錯失入波良機，亦係失利主因之一。

阿仙奴將於周三(7日)凌晨歐聯作客意甲勁旅國際米蘭，阿迪達真係要盡快諗計幫助球隊反彈。