【有片】摩連奴被球員踢跌　慘過畀車撞

費倫巴治教練摩連奴近日主持球隊操練，不幸被球員踢跌，立即痛苦倒地，需要軍醫扶住離場治理。呢位61歲葡萄牙名帥將事發過程片段，放上社交網，奉勸各位教練唔好着同球員一樣顏色嘅衫，否則隨時畀人踢。

當時費倫巴治分成兩隊，進行傳波同搶截訓練，身穿深色衫嘅摩連奴喺場內走動指揮，有1位身穿「對手」橙色訓練背心嘅球員唔小心從後撞跌「寸王」。佢老人家起唔到身，需要球員幫手拉起，並由軍醫扶住離場治理，似乎傷勢唔輕。

幸好摩連奴並冇大礙，仲識自嘲話：「上咗重要一課，各位年輕教練唔好着同球員一樣顏色嘅衫，否則一係對方傳球畀你，一係畀人踢。」