【有片】摩连奴被球员踢跌　惨过畀车撞

费伦巴治教练摩连奴近日主持球队操练，不幸被球员踢跌，立即痛苦倒地，需要军医扶住离场治理。呢位61岁葡萄牙名帅将事发过程片段，放上社交网，奉劝各位教练唔好着同球员一样颜色嘅衫，否则随时畀人踢。

当时费伦巴治分成两队，进行传波同抢截训练，身穿深色衫嘅摩连奴喺场内走动指挥，有1位身穿“对手”橙色训练背心嘅球员唔小心从后撞跌“寸王”。佢老人家起唔到身，需要球员帮手拉起，并由军医扶住离场治理，似乎伤势唔轻。

幸好摩连奴并冇大碍，仲识自嘲话：“上咗重要一课，各位年轻教练唔好着同球员一样颜色嘅衫，否则一系对方传球畀你，一系畀人踢。”