快槍手賓福特有前冇後 急先鋒富咸大騷娛賓
2024年11月04日 18:01
東網電視
更多新聞短片
英超富咸主場迎戰賓福特。
英超獨腳戲上演倫敦打吡，由富咸主場迎戰賓福特。兩軍出晒名係急先鋒，最鍾意一開波就搶攻，加上近年碰頭例演入球騷，2.5球大盤乃明智之選。（Now 621周二凌晨4時直播）
開咧踢得唔錯嘅富咸，近期戰績明顯回落，近3場聯賽只得1和2負，但要留意兩場敗仗係輸畀曼城同阿士東維拉，情有可原。事實上，富咸喺主帥馬高施華麾下，踢得進取，以箭頭魯爾占美尼斯為首，配合兩名前阿仙奴師兄弟伊禾比、伊美路維，極具侵略性，今季9場聯賽有7次先開紀錄，其中5次係上半場取得，不容忽視。
另邊廂，賓福特雖有射手艾雲東尼今夏遠赴沙特搵真銀，幸好麥比奧莫同尤尼韋沙交足貨，兩人合共取得13粒。「蜜蜂仔」今季9場聯賽同樣有7次先入波，其中佢哋試過連續3場聯賽開波頭1分鐘內就建功，非常誇張，絕對係英超快槍手。但佢哋今季入18球但失番18球，單計近7場聯賽6次開3球或以上，睇得出「蜜蜂仔」有前冇後，加上近6次交手，亦有5次開3球或以上，捧入球大最上算。
更多賠率：