阿仙奴管理層地震　體育總監伊度辭職

阿仙奴近3場聯賽僅得1和2負，落後榜首利物浦7分，低潮提前降臨，但更大風暴無聲無色殺到，球隊體育總監兼名將伊度，與會方高層危機會議後突然辭職，原因不明，但對球隊影響深遠。

伊度曾於2001至05年效力阿仙奴，是「兵工廠」全季不敗奪冠成員之一，2019年伊度重返阿仙奴擔任體育總監，是球隊近期中興最大功臣。據報佢上任後改革球隊，棄用奧斯爾、奧巴美揚等問題球員，引入現任領隊阿迪達，近年關鍵收購如買入馬田奧迪加特、迪格蘭賴斯等都出自佢手筆。

阿仙奴在伊度改革下改頭換面，重返爭標行列，再戰歐聯，近兩季僅負於曼城得英超亞軍，伊度亦是阿迪達最佳盟友，如果伊度辭職，對球隊嘅打擊相當嚴重，近日嘅低潮期可能延長，對球隊未來都有影響。