解决唔到？肥安认定麦巴比系皇马衰落原因

皇家马德里今夏签入法国前锋基利安麦巴比，表面上睇系如虎添翼，不过球队表现不进反退，依家喺西甲落后巴塞隆拿9分。据西班牙媒体《Relevo》报道，教练安察洛堤已认定麦巴比系问题所在，不过要解决就唔系咁易。

报道指安察洛堤同教练团队分析后，认为麦巴比喺无球情况下，跑动同协防能力差系皇马衰落原因，就以“国家打吡”吞巴塞隆拿4蛋一仗为例，麦巴比全场跑动只有8公里，远低于正常踢足90分钟球员嘅10公里，而且佢欠缺嘅防守工作要由队友分担，亦令全队发挥受到影响，加上麦巴比今季10场联赛入6球嘅数据，唔足以弥补防守上嘅缺陷。

更大嘅问题系，虽然知道麦巴比系衰落嘅原因，但安察洛堤冇可能将佢摆喺后备席，同时又唔想全面改变上季赢欧联冠军嘅阵式，依家处于两难局面。