熱刺啟動孫興民續約一年條款　韓媒：很不幸

熱刺領隊普斯迪高路上場聯賽中途換出孫興民，引起「孫仔」不滿並在後備席爆粗，而雙方近日嘅續約問題亦被討論，有韓媒認為熱刺啟動孫興民續約一年條款，對孫興民嚟講係不幸。

32歲嘅孫興民同熱刺合約明夏到期，據報熱刺將會啟動續約一年條款，令孫興民明夏未能回復自由身，亦表示孫興民會為熱刺再踢一季。

有韓國傳媒認為，熱刺此舉對於孫興民嚟講實屬不幸，因為孫興民將因此無法在明年夏天以自由身進入轉會市場，爭取更好待遇，只能留在熱刺，人工照舊。

韓媒又認為，如果熱刺真係想留用孫興民，應該直接洽談續約，而並非單方面啟動續約一年條款，至於一年後孫興民能否保持高峰狀態，亦是未知之數。