熱刺鐵衞受傷　缺陣鬥加拉塔沙雷

熱刺中堅基斯甸羅美路上場英超對阿士東維拉，受傷退下火線，現時證實佢右腳腳趾韌帶受傷，估計需要休息7至10日，無緣出戰周五(8日)凌晨歐霸盃作客加拉塔沙雷。

基斯甸羅美路上仗踢到61分鐘傷出，經過檢查之後，證實並冇骨折，唔需要長抖，但對加拉塔沙雷，唔使預佢，至於周日(10日)晚英超主場對葉士域治，亦上陣成疑。

另外，阿根廷公布新一期國家隊名單，出戰月中2場世界盃外圍賽對巴拉圭同秘魯，基斯甸羅美路仍然有份入選。