「新夏蘭特」誕生！引爆曼聯紐卡素瘋搶

挪威球壇近年人才輩出，繼馬田奧迪加特、艾寧夏蘭特之後，又有1位明日之星出現，就係效力丹麥球隊洛斯查蘭特嘅18歲前鋒辛達艾基利，英超2大豪門曼聯、紐卡素都有意出手收購呢位「新夏蘭特」。

身高1米82嘅辛達艾基利雖然冇夏蘭特咁高大，但入球能力一樣強，曾於挪威各級青年軍賽事，上陣35場入32球，仲多過夏蘭特(上陣46場入30球)。而且辛達艾基利技術更加全面，可以勝任中鋒及翼鋒，今年9月已晉級挪威大國腳，出戰歐國聯，吸引多間球會注意。

據悉洛斯查蘭特將辛達艾基利標價為2,100萬鎊(約2.1億港元)，對於曼聯等英超大球會而言，只係濕濕碎，呢位超新星下季隨時會登陸英超。