重返西甲不似預期　「J神」要求1月轉會

哥倫比亞球星占士洛迪古斯，今年夏天喺美洲國家盃光芒四射，為佢贏得重返西甲機會加盟華歷簡奴。不過「J神」嘅西甲路不似預期，未受教練重要長坐冷板，據報佢已向華歷簡奴提出轉會要求，希望1月離隊。

33歲嘅「J神」夏天同華歷簡奴簽約1年，但教練恩尼高佩雷斯更傾向用迪費魯圖斯同艾華路加西亞等球員，「J神」今季西甲只踢過1次正選，合共上陣時間得123分鐘。《馬卡報》報道，呢位哥倫比亞中場已要求1月提前離隊。

報道指占士洛迪古斯仍然搶手，土耳其勁旅比錫達斯希望冬季提出收購，並樂意支付佢400萬歐元年薪。