【欧霸杯】最怕泊大巴 曼联让得辣宁撑对家
2024年11月07日 19:12
东网电视
更多新闻短片
曼联换帅后成绩有所提升。(Getty Images)
今晚欧霸焦点战，曼联主场硬撼PAOK。“红魔”虽然自看守领队云尼斯达莱接手后略有起色，但进攻主要靠打反击，遇上摆铁桶阵球队就冇乜计，加上今届欧霸仲未开斋，让球主客和要让到2球咁多略嫌过火，宁撑让球客胜。（Now 643周五凌晨4时直播）
曼联喺前任主帅坦哈格执教下，开季陷于低潮，哈帅最终喺上周落镬，从士砵亭来投嘅新帅鲁宾艾摩廉亦落实下周（11日）先正式上任，呢段时间暂由看守领队云尼斯达莱顶住档。贵为“红魔”一代射手，“云佬”有名宿光环照住，众将暂时都听佢支笛，接手头两场获1胜1和，叫做四平八稳。不过留意番曼联喺英联杯大胜李斯特城5比2一役，对手只系派副选出战，不足为据。上场联赛主场对车路士，打和1比1睇落战果系唔错，但若果有睇场波嘅球迷都知道，曼联阵地战进攻全无威胁，反而快速反击有啲睇头，而入波都只系来自12码，攻力未见太大改善。当然作为看守领队，亦好难怪“云佬”，佢职责系喺艾摩廉上任前做到平稳过渡，战术唔会有太大改动，尤其遇上刻意死守球队，更显得唔够板斧。
另边厢，PAOK虽然喺希腊联赛排紧次席，但头3轮欧霸只得1和2负，造访奥脱福一定摆铁桶阵，即系曼联被迫踢最唔擅长嘅阵地战，冇乜着数。
事实上“红魔”近年欧洲赛成绩麻麻，近5场欧霸仅得4和1负，包括今届3场全部打和，对手只系川迪同费伦巴治之流，预计佢哋今仗就算赢到，都系小胜居多，让球主客和让到2球咁辣，掉转头捧对家好过。
更多赔率：