亞冠盃2　避評論球證　盧比度：我尊重判決

東方周四（7日）出戰「亞冠盃2」E組第4輪分組賽，坐鎮旺角大球場主場惡鬥菲律賓勁旅卡雅，最終在被罰兩球12碼下，以1比2落敗。賽後主教練盧比度（Chino）未顯太過失望，僅稱尊重球證判決。

上輪作客菲律賓擊敗卡雅的東方，今場返到主場卻落敗而回，賽後主教練盧比度出席記招時，首先不忘大方恭喜對手：「我唔感到失望，大家一人贏一次，互相作客嚟到都開心。我哋今場改踢3後衞，想踢得進取啲，但卡雅防守好高強度，令我哋踢得好唔舒服。」

東方被罰兩球12碼，其中第一球更惹引議，當時東方後衞丹尼爾頂後予門將葉鴻輝，惟球證尤錫夫卻指「阿輝」在接球後，蓄意伸腳踢低對方球員。對此Chino回應道：「我唔希望干涉球證嘅工作，依個係球證嘅決定，我一定會尊重。不過『阿輝』同我講話只係保護自己，我亦信任自己球員。」