勵志！32歲基斯活特當選英超10月最佳

英超官方揭曉10月最佳球員獎，由諾定咸森林前鋒、32歲嘅新西蘭國腳基斯活特獲得，亦係佢喺英國打滾長達15年後，首次獲此殊榮，踏上生涯巔峰。

基斯活特在10月份3場英超賽事，攻入4球，包括1比1賽程車路士、1比0贏水晶宮及3比1贏李斯特城，係上月表現最佳球員，更成為首位獲此獎項嘅新西蘭球員。

基斯活特2009年加盟西布朗，展開英國旅程，期間多次轉會或外借，到上季加盟諾定咸森林，已經係佢效力嘅第12間英國球會，上季佢以15球成為森林首席射手，踏入今季表現更進一步，至今10場攻入8球，森林現時排第3，表現出色。

森林上月成績好，領隊紐奴亦順利當選10月最佳領隊。