史達寧冇得倒戈車仔　連續缺陣4場大戰

阿仙奴將於周一(11日)凌晨英超「倫敦打吡」作客車路士，根據規則，兵工廠今季向車仔借用嘅嘅翼鋒史達寧唔可以上陣，意味呢位29歲英格蘭國腳將連續缺陣4場關鍵大戰，難怪被網民形容係「最無謂的簽人」。

阿仙奴近期惡戰連場，包括英超對利物浦、紐卡素，歐聯對國際米蘭，下仗將硬撼車路士，史達寧冇份上陣對利物浦、紐卡素、國際米蘭，期間只係踢過英聯盃對普雷斯頓。加上今場「倫敦打吡」唔符合上陣資格，「完美錯過」4場大戰。

阿仙奴主帥阿迪達今夏力排眾議，堅持向車路士借用史達寧，但呢位愛將入「廠」後，表現令人失望，上陣8次只入1球及1次助攻，阿迪達依家唔知有冇後悔當日借入史達寧嘅決定呢？