曼聯新帥下令般費戒除一壞習慣　否則賣走

魯賓艾摩廉將於周一(11日)正式成為曼聯領隊，據悉佢已經對紅魔鬼球員表現有一定了解，認為中場隊長般奴費南迪斯經常浪射，必須改變呢個壞習慣，否則將會出售佢，就算兩人屬於葡萄牙同胞，都冇面畀。

般奴費南迪斯今季水準非常飄忽，既可以貢獻美妙助攻，但亦經常亂射門，導致球隊失去控球權。般費今季英超32次射門只入1球，可見佢浪射情況非常嚴重。消息人士指魯賓艾摩廉已經發現呢個問題，將會要求般費改變踢法，減少無謂射門，提升入球效率，如果做唔到，將會被打入冷宮，甚至出售。

事實上，魯賓艾摩廉成為曼聯新帥之後，好可能簽入多位士砵亭愛將，明夏「大換血」放棄般奴費南迪斯，並唔出奇。